|
Edilar otinga adieket
Na Solomon Alenyo
JOHNSON Emong Otinga araman lo ejenara kobelara noi koteso korai da bobo apolon eicolong lo aramak ko Teso ngesi edilidilaar okooti kanu ebe amidicaar shs4m luka SACCOS ka kanu amenia aitac apesen na shs440,000 lu etogo (rent).
Otinga ngesi etwobwotai kadieket naka LC3 Bukedea ne etosatere ngesi kanu amenia aitac etogo adaun ilapio iwongon agear olap lo iwongonet kitoni lo ikanyetauni kokaru kalo atubor aitodolikin isirigin lu edeparete shs440,000.
Etubokitai ngesi kitoni 5.3.2010 atacar apiyai ngun arai mam ebunio aisukunyikin emuusago ngol okooti loapolon.
Simon Mukalu, elope etogo ngesi alimokini ekooti loka LC3 kingarenikite apolon LC3 etem Bukedea, Moses Ochom Olemukan ebe abu Otinga koloma togoke aipagis kolap kalo itomonetadiop kokaru kalo 2008, konye abu kotac kitoni olap louniet kokaru lo 2009 bon.
Otinga loda arai apolon eicolong loka Bukedea Rural Farmers SACCOS ngesi epagisaikit SACCOS ngol etogo, konye abu komen aitac isirigin lu etogo.
Mukalu ngesi abu kikama iboro imesan, itabon, arisitin nuka SACCOS ka ice iboro da aitodolikin ne etacia Otinga isirigin ngul.
Egurupu ngol nesi ejaasi kede imeeban 121.
Otinga ngesi abu kilip ekooti aitim ngesi kosodete acamanar nges atacar idio bore.
Published on: Thursday, 4th March, 2010
|
