 | |
AMINISTA: Bitamazire |
Na Godfrey Ojore
KARAIDA itodunitos akiro nuka UACE nu ekaru 2009 ebe etubitos esisiak luipu noi, konye mam kere elomarete ounibasiti. Ko Teso idwe 2000 kadepar kes etubitos konye emina amamus na apiyai aipucakin irotin lu idwe kalu.
Esisiak luipu kes lem etegatos alomar ounibasitin luko; Makerere, Kyambogo ka Gulu University (Lu apugan).
Lucie lu mam eraasi lu apugan kes; Uganda Christian University (UCU) - Mukono, Nkozi ka icie.
Konye mam epedorete alomar naarai euriana eisawo loka auriak kec.
Mam ikadakini asalakin ore. Ejaasi aiboisio acue nu ipedori ijo alomar asioman na mwakace isipdeori ijo da alomar ounibasiti kacut arai kitub ijo kosomeroi kangun kadoketait nako kuju (First Class ka First Class Upper) naka edipoloma.
Epedorete esisiak alomar aswam idipoloman kokoosin lu egelegela aibosit na idigurin.
Ko kide nako Uganda ejaasi isomeroi 25 lu eipone kangul ido kes luta;
Kanu alomun irai emwalimu lo irasakini aisisianakin osinia ipedori alomar toma National Teachers’ Colleges; Kaliro ka Nagongera.
Kanu ka Technical Institutions ipedori alomar Uganda Technical College Elgon, Mbale, Bethel Training Institute Jinja, Nile Management Training Centre, Jinja, YMCA College of Business Studies, Jinja, Jinja School of Nursing and Midwifery.
Kanu akiro nu akoru idumakini ijo; Busitema University, Arapai Agricultural college, Soroti, Uganda College of Commence (UCC) Tororo, Africa study centre Tororo, Institute of Accountants and commence Mbale, Institute of business studies.
Kanu akiro nu angaleu ejaasi; School of Clinical Officers, Mbale, International School of Health, Jinja, School of comprehensive nursing Soroti, School of hygiene Mbale, Ophthalmic, Clinical officers training school, Mbale ka Medical Laboratory Technicians school.
Kanu ediini ipedori alomar, Bishop Usher Wilson college Sironko, Pentecostal Theological college, Mbale ka Uganda Baptist Seminary Jinja.
Siri kisalak atola akiro naarai akuro auriak kon ailem apiyai nu alomar asioman ounibasiti.
Isipedoret ikoosin lu etunganan adumun aswam na epedoria mwakace aiyatakin asioman aitodol adumun ediguri kotoma ounibasiti.
Siri kimonyia moi isio ebe mam apotu kalimokitos ijo nelomara.
Published on: Thursday, 4th March, 2010
|
