George M. Akol lo Kumi ka auriak ke. Edumunit 19 St Max Col. Namagoma Wakiso

Na Godfrey Ojore

IURIAN luko Teso kes elorokisi aitub aingito naka UACE na ekaru 2009 ejok kanu alomar ouniversity. Akiro nu kes epudunio osabiti lo atubor ido itodunitos aikeun na etube loka esisiak kitiriani kede ikaru lu atuboros.

Ejaikisi da akiro nu auriak emwatarete ‘akiyo’ k’akonye kec ekaulo na akiro nu esisiak luko S.4 aisuguikin itaon kec ekarabiki aingito idwe kwap.

Kotoma esisiak 4,307 lu ewadiakuna ko Teso kere aswam aingito na, esisiak 85 bon apotu kibiroros akeje kuju komam epedorete karaida alomar aswam ekoosi lo emodio eipone kere.

Bukedea kede Amuria distrikts lu lem edapadapatos kokau na ipaup kec kes lolo ewolunos kuju.

Ikoku idiope bon kodwe 89 lu Amuria nges abu kibiror kosodi ikoku idiope da ko Bukedea alatakin kwap kodwe 70 lu ewadikauna.

Esisiak 1,060, ko Teso kes apotu kodesiasi aitub kede principle passes iwongon (4pps) kosodete 859 adumunun pps iuni (3pps).

Esisiak nepetai 2000 kes epedorete alomar ounibasiti kosodi lucie kes epedorete alomar aswam ikoosin toma osomeron lu itutuonorere itunga kwape UCCs, NTC, UTCs ka icie da.

Itolomari lolo Teso esisiak lu ipu asioman ounibasitinkitiriani kede ekaru 2008 ne apotu idwe 869 bon kolomaratar.

Esisiak 66 ko Teso kes apotu kotwakiasi aswam aingito na karaida ewadikauna, kanu atiokisio nu egelegela.

Soroti distrikt nes aicerit ko Teso ido eiswamaye lo okaru 2009 nes itodunit aikeun kuju na idwe lu etubitos itiriani kede ekaru 2008.

Esisiak 353 kes apotu komudutu pps 4 kitiriani kede 335 okaru 2008.

Kumi ne iyaret Enaba lo idwe lu etubitos kede 4ps nes asukoro kuju itiriani kede ekaru 2008. Idwe 141 kes apotu ikisakisi aingito etau kanu amudun 4ps itiriani kede 119 okaru 2008.

Bukedea ne lem ecikit akan agirunitor enaba lo awasianes lolo esiriengu ateker ilikosi isap 17 kede ainacan kec 10 ayepia kosodete ailorun 4pps ne da abu ijekok edistrikit onaba loiuniet.

Abu Amuria da kocereded amariaun enaba loiwongonet elacakisi adwe kec 27, UNEB ibulausin kanu aigaun 4ps.

Kaberamido) nes abu kiringau imalo konye okaru lo 2008 ajaasi onaaba loiunet apotu ipilautu 4pps.

Katakwi nes amameotor idwe lu eboikina aingito na.

Pallisa kes etakatakitos kes da ekalamu akaulo esisiak 129, amariar amudun 4pps osodete Imudama da 358 inyala kede idwe oduk adipun 4ps.

Amakesin nuko S.6 kes ekorio; ‘A’, ‘B’, ‘C’, ‘D’ kede ‘E’ kwape principle passes. ‘O’ nes erai subsidiary pass kosodi ‘F’nes erai fail (aibiror).

Kidipu ijo ‘A’, idumuni apointan 6, ‘B’ apointan 5, ‘C’ apointan 4, ‘D’ apointan 3, ‘E’ apointan 2, ‘O’ apointa adiope on kosodi ‘F’ nes erai 0.

Eipone lota nes iswamatotor idistriktan kere luko Teso UACE 2009:

Soroti: 353 (26.0%) 4ps, 310 (22.8%) 3ps, 186 13.7%) 2ps, Kumi: 141 (30.7%) 4ps, 106 (23.0%) 3ps, 88 (19.1%) 2ps, Bukudea: 27 (38.6%) 4ps, 11 915.7%) 3ps, 10 (14.3%) 2ps, Amuria, 23 (26.1%) 4ps, 32 (36.4%)3ps, 10 (11.4%), Kaberamaido: 29 (30.9) 4ps, 18 (19.1%) 3ps, 9 (9.6%) 2ps, Pallisa: 129 (28.7%) 4ps, 84 (22.1%) 3ps, 71 (18.7%) 2ps oglokini do Tororo ne inyalal Iteso ka Imudama koipone kalota: 358 (20.8%) 4ps, 382 (22.2%) 3ps, 331 (19.2%) 2ps.

Published on: Thursday, 4th March, 2010

Email this article to a friend.